سەرنووچە:

وەزیرێ بەرەڤانیا ئەمریکایێ ب وەکالەت سەردانا بەغدایێ کر

ب عادل عەبدولمەهدی رە دجڤە
فۆتۆ: 
2019-02-12

263 جار خوێندراوەتەوە

وەزیرێ بەرەڤانیا ئەمریکایێ ب وەکالەت ب ئارمانجا پێکئانینا هەڤدیتنان د گەل عادل عەبدولمەهدی سەرۆک وەزیرێ عێراقێ و بەرپرسێن ئارتێشا وەلاتێ خوە ل عێراقێ، سەردانا بەغدایێ کر.

پاتریک شاناهان وەزیرێ بەرەڤانیا ئەمریکایێ ب وەکالەت ب سەردانەکا رانەگەهاندنی سەردانا بەغدایێ کر و وەزارەتا دەرڤەیا ئەمریکایێ ژی راگەهاند، پاتریک شاناهان ب ئارمانجا گرنگیدان ب یەکێتیا ئاخا عێراق و گۆتوبێژکرن ل سەر پێشەرۆژا ئارتێشا ئەمریکا ل عێراقێ سەردانا بەغدایێ کریە.

ل گۆری زانیاریان پاتریک شاناهان پرسا ڤەکشاندنا هێزێن وەلاتێ خوە ژ سوریایێ د گەل سەرکردەیێن ئارتێشا وەلاتێ خوە ل عێراقێ گۆتوبێژ دکە.

ژ ئالیەکی دن ڤە بریارە د گەل بەرپرسێن عێراقێ بجڤە و یەکەمین جڤینا وی ژی د گەل سەرۆک وەزیرێ عێراقێ دبە.

دۆناڵد ترەمپ سەرۆکێ ئەمریکایێ مەها دەرباسبوویی راگەهاندبوو بۆ چاڤدێریکرنا ڤەلڤینێن ئیرانێ، هێزێن وان ل عێراقێ دێ بمینن.

هـ.ج