سەرنووچە:

مەرجەعەکێ شیعە: خوێنا دزیکەرى حەلالە و خودانێ مالێ بۆ هەیە بکوژیت

فۆتۆ: 
2019-02-11

260 جار خوێندراوەتەوە

مەرجەعەکێ شیعە یێ روونشتڤانێ نەجەفێ فەتوادا کو ئەو خوەدان مالێن توشى هێرشا دزیکەران دبن بۆ وان هەیە کو هێرش کەران بکوژن و پشترە چ خوێن ناکەڤیتە سەر ژبەرکو حالەت بەرەڤانیە.

ئایەتولا قاسم ئەلتائى یێ نەجەفى د فەتوایەکێ دا ئەڤرۆ دووشەمبیێ ١١ێ سباتا ٢٠١٩ێ ب رێیا نڤیسنگەها خوە د بەرسڤا پرسیارەکێ دا بەلاڤکر و تەکەز کر، " ل گورى حوکمێ شەرعى ئەو خوەدان مالێ کو دزیکە دچیتە سەر مالا وى بۆ هەیە تەقەیێ لێ بکەت و بکوژیت، ئەگەر بەلاخو ژێ ڤەکەت و ب برنا مال و پارەى رازی بیت، ژبو کو جارەکا دن توشى ئاریشێ نەبیت، ل حالەتێ یەکێ ژى دا چ خوێن ناکەڤیتە سەر بکوژى".

ئەلتائى ئەو یەک ژى زەلال کر، " خوێنا دزیکەرێ دەستدرێژیکەر حەلالە و بکوژ ژى د نەفسا خوە دا د حالەتێ بەرەڤانیێ دایە".

دەربارێ ئەو ئاریشەیێن کو پشترە ڤێ کوشتنێ دا دروست دبن ئایەتولا ئەلتائى گوت، " خوێن وەرگرتن ژ خوەدان مالى یان زیندانکرنا وى حەرامە و خودێ پێ رازى نینە".

ئایەتولا قاسم ئەلتائى مەرجەعەکێ ئولى یێ نەجەفێ یە و یەکە ژ دامەزرێنەرێن رەوتا مەرجەعا سەدر  و خواندکارێ یەکەمێ محەمەد سادق سەدرێ بابێ موقتەدا سەدرە ،لێ د نها دا ب ئاوایەکێ سەربخو کار دکەت و یەکە ژ وان ١٥ مەرجعێن کو د ل نەجەفێ دا تەقلیدى پێ دهێتە کرن.

م.س