سەرنووچە:

عێراقێ ھێزا سەربازی یا زێدەتر بۆ سەر سنورێ سوریایێ شاند

عێراقێ ھێزا سەربازی یا زێدەتر بۆ سەر سنورێ سوریایێ شاند
فۆتۆ: ئەرشیڤ
2019-02-10

236 جار خوێندراوەتەوە

فەرماندەیا ئۆپراسیۆنێن ھەڤبەشێن عێراقێ ڕاگەھاند،عیراقێ ھێزا سەربازی یا زێدەتر بۆ سەر سنورێ سوریایێ شاند و ئەو دەڤەرە ژ ئالیێ ھێزێن ئەولەھیا عێراقێ ڤە پاراستینە و چەکدارێن داعشی نکارن دەرباسی ناڤ دەڤەرێ بن.

 یەحیا ڕەسول، پەیڤدارێ فەرماندەیا ئۆپراسیۆنێن ھەڤبەشێن عێراقێ ئەڤرۆ یەک شەمبیێ (١٠ێ سباتا ٢٠١٩ێ) داخویاکرن، دگەل دەستپێکرنا گەفێن ھەسەدێ ل دژی داعشێ، عێراقێ ژی سنورێن خۆ توکمەتر کرنە و ڕێگریێ ژ دەرباسبوونا چەکدارێن داعشێ بۆ دەڤەرێ دکەت.

زەلالکر ژی، دەربارەی ھێرشێن د ناڤ ئاخا سوریایێ دا یێن لدژی چەکدارێن داعشێ دھێنە کرن، ناڤبەرا عێراق و ھەڤپەیمانا ناڤدەولەتی بۆ لھەڤگۆھەرتنا زانیاریان ھەڤبەندی ھەیە.

فەرماندەیا ئۆپراسیۆنێن ھەڤبەشێن عێراقێ بەحسا وێ یەکێ ژی کر، سنورێ ناڤبەرا عێراق و سوریایێ ژ ئالیێ ئارتێش، حەشدا شەعبی و ھێزێن زێرەڤانیا سنوری دھێتە پاراستن، خەندق لێدانە و بەردەوام ھێز و بالەفرێن ئارتێشا عێراقێ چاڤدێریا دەڤەرێ دکەن.

ئەڤ داخویانیا فەرماندەیا ئۆپراسیۆنێن ھەڤبەشێن عێراقێ د دەمەکێ دایە، ھەسەدە ب پشتەڤانیا ھێزا ئەسمانیا ئەمریکایێ، داویی ھێرش بۆ کۆنترۆلکرنا دەڤەرێن بن دەستێ داعشی ل سنورێ دێرەزوورێ ل ڕۆژھەلاتا سوریایێ دەستپێکرنە.

س.م