سەرنووچە:

داخواز دهێتە کرن بالیۆزخانەیا عێراقێ ل هندستانێ ناڤەندەکا هاریکاریا ساخلەمیێ ڤەکەت

بۆ رێڤەبرنا کارێ وان نەخوەشێن بەرەڤ وى وەلاتى دچن
فۆتۆ: 
2019-02-10

208 جار خوێندراوەتەوە

ژبەر پێتڤیا سەردانا هەژمارەکا زێدە ژ وەلاتیێن عێراقى بۆ چارەسەرکرنێ، داخواز ژ حکومەتا عێراقێ دهێتە کرن، ل بالیۆزخانەیا وەلاتێ وى ل هندستانێ ناڤەندەکا هاریکاریا ساخلەمیێ ڤەکەت.

سادق سەلیتى پەرلەمانتارێ هەڤپەیمانیا سائیرون ئەڤرۆ یەکشەمبیێ ١٠ێ سباتا ٢٠١٩ێ د بەیاننامەیەکێ دا راگەهاند، پێتڤیە ل سەر وەزارەتا ساخلەمیێ،  حکومەتێ ئاگەهدار بکەت  ژ بۆ کو ناڤەندەکا هاریکاریا ساخلەمیێ ل بالیۆزخانەیا عێراقێ ل هندستانێ ڤەکەت.

هەروەسا داخواز کر وەزارەتا ساخلەمیێ کەسەکێ پسپۆر ب پلەیا نوژدارى دامەزرینیت، ب مەرەما چاڤدێریکرن و دیڤچوونا وان نەخوەشێن عێراقى کو بۆ مەرەما چارەسەرکرنێ بەرەڤ وى وەلاتى دچن.

ئەو یەک دازانین، د نها دا هەژمارەکا زێدەیا وەلاتیێن عێراقى بۆ مەرەما چارەسەرکرنێ ل هندستانێ نە.

دەما چەند سالانە ب مەرەما چارەسەرکرنێ، هەژمارەکا زێدە ژ وەلاتیێن عێراق و هەرێما کوردستانێ سەردانا وەلاتێ هندستانێ دکەن، کو هندەک جار ئاریشە بۆ دروست دبن، ژبەر نەبوونا ناڤەندەکا هاریکاریا ساخلەمیێ ل بالیۆزخانەیا عێراقێ و نزانن بۆ چارەسەر کرنا ئاریشەیێن خوە بەرەڤ کیڤە بچن.

م.س