سەرنووچە:

هەیا ١٧ێ ڤێ مەهێ خالێن گومرکێ یێن ناڤبەرا هەرێم و عێراقێ دێ بێن ڕاکرن

رێکخستنا پێناسەیا گومرکێ ل تەڤاهیا عێراقێ دێ بێ چالاککرن
فۆتۆ: 
2019-02-10

244 جار خوێندراوەتەوە

دیجیتاڵ میدیایا ئێن ئاڕ تی ، ھەولێر ، ھێرش قادر

رێڤەبەریا گشتیا گومرکا هەرێمێ راگەهاند، بەریا ١٧ێ ڤێ مەهێ خالێن گومرکێ یێن ناڤبەرا هەرێم و عێراقێ دێ بێن ڕاکرن و رۆژا ١٧ێ مەهێ ژی رێکخستنا پێناسەیا گومرکێ ل تەڤاهیا عێراقێ دێ بێ چالاککرن.

سامان عەبدولرەحمان رێڤەبەرێ گشتیێ گومرکا هەرێمێ بۆ دیجیتاڵ میدیایا ئێن ئاڕ تی راگەهاند، رۆژا چارشەمیا دەرباسبوویی جڤین د ناڤبەرا رێڤەبەریا گشتیا بازرگانی و گومرکا هەرێمێ و بەرپرسێن عێراقێ دا هاتیە لدارخستن و رێکەتن هاتیە کرن کو رۆژا ١٧ێ ڤێ مەهێ رێکخستنا پێناسەیا گومرکێ ل هەرێم و عێراقێ بێ چالاککرن.

هەروەسا دیار کر هەردوو ئالی ل سەر ڕاکرنا تەڤاهیا خالێن گومرکێ د ناڤبەرا هەرێم و بەغدایێ دا بەریا ١٧ێ مەهێ رێکەتنە.

ل گۆری رێکخستنا گومرکێ ل خالێن سنوریێن پاریزگەهێن هەرێم و بەغدایێ پێدڤیە باج ل سەر کەلوپەلان بێ وەرگرتن و حکومەتا عێراقێ ژی راستەراست چاڤدێریا گومرکان بکە.

هـ.ج