سەرنووچە:

ئیران ژ تورکیایێ زێدەتر، کەلوپەلان بۆ عێراقێ دشینە

بازرگانیا ناڤبەرا ئیران و عێراقێ ٣٠% زێدە بوویە
بازرگانیا ناڤبەرا ئیران و عێراقێ
فۆتۆ: 
2019-02-10

148 جار خوێندراوەتەوە

ئەمیندارێ گشتیێ ئۆدەیا بازرگانیا هەڤبەشا ئیران و عێراقێ راگەهاند، د سالا ٢٠١٨ێ دا قەبارەیا شاندنا کەلوپەلێن ئیرانێ بۆ عێراقێ ژ قەبارەیا شاندنا کەلوپەلێن تورکیایێ بۆ عێراقێ زێدەتر بوویە.

حەمید حسێنی ئەمیندارێ گشتیێ ئۆدەیا بازرگانیا هەڤبەشا ئیران و عێراقێ بۆ میدیایێن ئیرانێ راگەهاند، د سالا ٢٠١٨ێ دا قەبارەیا شاندنا کەلوپەلێن ئیرانێ بۆ عێراقێ ٨ ملیار و ٧٥٠ ملیۆن دۆلار بوویە.

هەروەسا دیار کر. قەبارەیا شاندنا کەلوپەلێن ئیرانێ بۆ عێراقێ د ناڤا مەهەکێ دا، نێزیکی ٧٥٠ ملیۆن دۆلارانە.

حەمید حسێنی گۆت:" تورکیایێ د سالا ٢٠١٧ێ دا ب بوهایێ ٨ ملیار و ٣٠٠ ملیۆن دۆلاران کەلوپەل بۆ عێراقێ شاندنە، لێ ئەو ڕێژە د سالا ٢٠١٨ێ دا بۆ ٧ ملیار و ٣٥٠ ملیۆن دۆلاران داکەتیە. د هەمان دەمێ دا ئیرانێ د سالا ٢٠١٨ێ دا ب بوهایێ ٨ ملیار و ٧٥٠ ملیۆن دۆلاران کەلوپەل بۆ عێراقێ شاندنە.

ئەڤ یەک ژی د دەمەکی دایە کو بازرگانیا ناڤبەرا ئیران و عێراقێ ب رێژەیا ٣٠% زێدە بوویە.

هـ.ج