سەرنووچە:

وەزارەتا دارایا عێراقێ داخواز ژ نونەرێن پارێزگەهان کر وێنەیەکێ یاسایا بودجەیێ فیدرالى وەربگرن

فۆتۆ: 
2019-02-09

314 جار خوێندراوەتەوە

وەزارەتا دارایا عێراقێ داخواز ژ وەزارەت و نونەرێن پارێزگەهان کر، دکارن ل رۆژا دووشەمبیا داهاتى سەردانا وەزارەتێ بکەن، وێنەیەکێ یاسایا بودجەیێ سالا ٢٠١٩ێ وەربگرن.

ژێدەرەکێ هاتیە راسپاردن ل وەزارەتا دارایا عێراقێ ئەڤرۆ شەمبیێ ٩ێ سباتا ٢٠١٩ێ د بەیاننامەیەکێ دا داخواز ژ نونەرێن وەزارەتان، پارێزگەهان و ئالیێن نەگرێداى ب وەزارەتان کر، سەردانا وەزارەتا دارایى بکەن بۆ وەرگرتنا وێنەیەکێ ل یاسایا بودجەیێ کارپێکرى و رێنمایێن جێبەجێکرنا یاسایێ ل فەرمانگەها بودجەیى وەربگرن.

هەروەسا دازانین، دکارن ل رۆژا دووشەمبیا داهاتى ١١ێ سباتا ٢٠١٩ێ رۆژێن دووڤ دا سەردانا وەزارەتا داریى بۆ وێ مەرەمێ بکەن.

رۆژا ٤ێ ڤێ مەهێ سەرۆک کۆمارێ عێراقێ یاسایا بودجەیێ ئەڤ سال پەسەند کر.

نڤیسینگەھا ڕاگەھاندنا عادل عەبدولمەھدی سەرۆک وەزیرێ عێراقێ ئەڤرۆ سێ شەمبیێ (٥ێ سباتا ٢٠١٩ێ) د ڕاگەھاندنەکێ دا بەلاڤکر، وەزیران گۆتۆبێژ لسەر پرۆگرامێ حکومەتێ کریە و ژئالیێ تەڤایا بەرھەڤبوویان ڤە ھاتیە ئیمزاکرن، ژبۆی کو بکەنە بەلگەنامە بۆ بجیکرنا ب ھوورکاری و د دوو ڕۆژێن داھاتی دا دێ د میدیایان دا ھێتە بەلاڤکرن.

 ڕاگەھاندنێ دا بەحسا وێ یەکێ کریە، جڤاتا وەزیران مێڤانداریا تیما بودجەیێ فیدرال کر کو ژ ھەردوو وەزارەتێن دارایی و پلاندانانێ پێکھاتبوون، تێدا گۆتۆبێژ کرنە دەربارەی لەزکرن د دەرکرنا ڕێنمایێن تایبەت ب خەرجکرنا یاسایا بودجەیێ سالا ٢٠١٩ێ.

م.س